Հունվարյան հարցեր

Տարվա բառը քեզ համար֊ մշտնջենական. չէ կատակ եմ անում, երևի՝ վարժանք

Ինչ լավ սովորություն ես ուզում ձեռք բերել այս տարի֊երևի թե առավոտյան շուտ զարթնելն ու համեմատաբար մինիմալիստական կյանք վարելը

Մանկությունիցդ անմոռանալի հիշողություն֊ գյուղի ծիրանանոցից ցոգոլներ գողանալը ու էդ ցոգոլների երկնային համը (մեր սերնդի արգելված պտուղը, ի դեպ) մեկ էլ half-life֊ը խաղալը պապայի հետ ու հետո երազներում խաղի միջավայրում հայտնվելն ու վախից կուչ գալը

Անցյալի մարդկանցից ու՞մ կուզեիր հանդիպել֊ Պոյին, որ թուշը պաչեի ու Անդերսենին, որ քնելուց ինձ համար հեքիաթ կարդար

Գիրք, որը ցանկացած պարագայում խորհուրդ տալիս ես֊ Հարփեր Լիի "To kill a Mockingbird"-ը, որովհետև անտանելի լավն է ու անտանելի հումանիզմ կա մեջը

Առանց ո՞ր սովորության չես կարող ապրել֊ առանց մտքումս տարբեր սցենարներով տեսարաններ բեմադրելու ծանոթ մարդկանց մասնակցությամբ. դրա անունը իլյուզացում եմ դրել

Որտե՞ղ կուզեիր ապրել ամենաշատը֊ Հայաստանում՝ անխոս։ Դե մեկ էլ կուզեի հաճախ Բլրակ գնալ. վաղուց չեմ եղել

Ամենամեծ դժվարությունը, որ հաղթահարել ես֊ մի շատ ծանր շրջանից եմ վերականգնվել՝ լրիվ մենակ ու առանց կողմնակի օգնության

Գրել, թե նկարել֊ գրել (էս բառից ականջներս խուտուտ են գալիս ❤)

Առավոտյա՞ն ես ավելի ունակ որևէ բան անելու, թե՞ երեկոյան֊ իրականում երեկոյան, բայց ձգտում եմ առավոտյան տեղափոխել հիմնական անելիքներս

Մի բառով նկարագրիր քեզ֊ թափանցիկ

Սիրելի գույնը֊ անընդհատ փոխվում է, երևի ամեն դեպքում կարմիրը

Ի՞նչ ես անում սթրեսից դուրս գալու համար֊ գիրք եմ գնում, երաժշտություն եմ լսում ու լիքը իլյուզացվում եմ, ինչ վերաբերում է գրելուն՝ դա ինձ համար սթրեսից դուրս գալու եղանակ չէ, այլ կենսական նշանակության գործողություն

Ինչպե՞ս ես պլանավորում օրդ֊ մանրակրկիտ, տեղը տեղին

Առավոտյան ինչպե՞ս ես զգում ընդհանուր առմամբ֊ դատարկ եմ զգում, մեկ֊մեկ՝ անհասկանալիորեն մոտիվացված

Քո գերբնական տաղանդներից մեկը֊ մմմ, երևի թե շատ ուտելն ու երբեք չչաղանալը

Վերջին քննադատությունը, որ ստացել ես֊ աշխատանքի վայրում՝ շատ բծախնդրության համար

Ի՞նչ ես զգում, երբ նայում ես երկնքին֊ մի տեսակ բոլոր խնդիրներս չնչին են դառնում, որովհետև զգում եմ մեր մոլորակի աննշան լինելը ողջ տիեզերքի կտրվածքով

Նկարագրիր քո պատանեկան տարիները֊ դե ինչ նկարագրեմ՝ բարդույթներով, ենթամշակութային անձ մը, որ լիքը կարծրատիպեր ուներ, բայց նաև լիքը փախած ու մութ երազանքներ։

Ինչպե՞ս են քեզ նկարագրում քո մտերիմները֊ ասում են, որ շատ բարի եմ, նաև կոտոշավոր ու անտանելի հակառակվող

Ի՞նչ ես զգում, երբ ստիպված ես մեծ լսարանի առջև խոսել֊ ստամոքսս կծկվում է ու մի տեսակ հաճույք եմ ապրում

Ու՞մ ես տեսնում՝ երբ հայելու մեջ ես նայում֊ հարևան Նորիկին

Բաժակը կիսով չափ լի՞քն է, թե՞ կիսով չափ դատարկ֊ բաժակը կիսով չափ դատարկ է, բայց ես այդ դատարկությունն իմ օգտին կօգտագործեմ

Առաջին բանը, որ անում ես արթնանալիս֊ իզուր չհորինեմ՝ ստուգում եմ հեռախոսս։